АКИpress - Бишкек шаарынын Биринчи май райондук соту 15-апрелде УКМК төрагасынын мурдагы орун басары Тимур Шабданбековду камакка алуу чечимин чыгарды. Бул маалыматты «АКИpress» редакциясына 16-апрелде райондук соттун басма сөз кызматы тастыктады.
Ал Кылмыш-жаза кодексинин 337-беренесинин 3-бөлүгү (Кызматтык абалынан кыянаттык менен пайдалануу) боюнча шектелүүдө. Ишти Аскер прокуратурасы иликтеп жатат.
Шабданбеков 13-июнга чейин 21-тергөө абагына киргизилди.
Тимур Шабданбеков УКМК төрагасынын орун басары кызматына 2022-жылдын 13-июлунда дайындалган болчу. Ушул жылы 17-февралда кызматтан алынган.