АКИpress - Бейбаштыкка шектүү жаран кармалды. Бул тууралуу Бишкектин Ленин райондук ички иштер бөлүмүнүн басма сөз кызматы билдирди.
11-мартта кечки саат 21:30 чамасында милицияга Жумабек көчөсүндөгү көп кабаттуу үйлөрдүн биринде кошуналар урушуп жатканы тууралуу маалымат түшкөн.
Окуя болгон жерге аймактык милиция кызматкери барган. Териштирүү учурунда лифттен чыккан эркек киши күтүүсүздөн милиция кызматкеринин бетине сокку урган. Тартип сакчынын көз айнеги сынып, оң көзүнөн жаракат алган. Жабырлануучу нейротравматология бөлүмүнө жеткирилди.
Бул факт КР Кылмыш-жаза кодексинин 280-беренеси (Бейбаштык) боюнча катталып, 2005-жылы туулган К.Н. аттуу шектүү кармалды. Ал убактылуу кармоочу жайга киргизилди.
Учурда тергөө жүрүп жатат.