АКИpress - Түрк мамлекеттер уюмунун башкы катчысы Кубанычбек Өмүралиев 23-апрелде Казакстандын Астана шаарында өткөн Регионалдык экологиялык саммитке катышуунун алкагында Казакстандын тышкы иштер министри Ермек Кошербаев менен жолугушуу өткөрдү.
Тараптар Түрк мамлекеттер уюму менен Казакстандын ортосундагы тыгыз өнүгүп жаткан кызматташтыкты талкуулап, аны андан ары өнүктүрүү боюнча пикир алмашышты. Ошондой эле алар түрк дүйнөсүнүн руханий борбору болгон Түркстанда өтө турган уюмдун алдыдагы бейформал саммитине даярдыктарды талкуулашты.