АКИpress - Кыргызстандын волейбол боюнча кыз-келиндер курама командасы Непалда өтүүчү Азиянын зоналык чемпионатына катышат.
Борбордук Азия волейбол ассоциациясынын (CAVA) турнири 20-30-май күндөрү Катманду шаарында 8 курама команданын катышуусунда өтөт. Тактап айтканда Бангладеш, Индия, Иран, Казакстан, Кыргызстан, Мальдив аралдары, Непал жана Шри-Ланка командалары ат салышат.
Кыргызстандын курама командасы бул турнирде Украинадан келген жаңы башкы машыктыруучу Евгений Николаевдин жетекчилиги астында ойнойт.