АКИpress - 16-апрелде Чүй облусунун Сокулук РИИБинин Т.Д.Н., К.А.К. жана М.Р.Ш. аттуу 3 кызматкери пара алып жаткан жеринен кармалганын УКМКнын басма сөз кызматы маалымдады.
Тергөөнүн маалыматы боюнча, кызматкерлер кылмыш ишин козгобоо үчүн 220 000 сом талап кылышкан. Буга чейин шектүүлөр сумманын 165 000 сомун алышкан. Кармоо Сокулук РИИБинин имаратында, калган 55 миң сом берилип жаткан учурда жүргүзүлгөн.
Кармалгандар УКМКнын тергөө абагына киргизилип, иштин бардык жагдайларын аныктоо үчүн тергөө иштери жүрүп жатат.