АКИpress - Жогорку Кеңештин мурдагы депутаты Чыңгыз Айдарбековдун үйүндө 14-апрелде «Сводка АКИpress» басылмасынын булактары кабарлагандай, тинтүү жүрдү.
Алдын ала маалыматтар боюнча, тергөө иш-чараларын ИИМдин Тергөө кызматы жүргүзүп жатат.
«АКИpress» саясатчынын өмүр баянынан бир нече фактты чогултту.
Айдарбеков Чыңгыз Азаматович 1977-жылы 27-октябрда Бишкекте туулган.
- Ал кыргыз мамлекетинин негиздөөчүлөрүнүн бири 1938-жылы репрессияга учураган коомдук жана саясий ишмер Иманали Айдарбековдун небереси.
- Атасы Азамат Эгембердиев – медицина илимдеринин доктору, Россиянын Илимдер академиясынын Онкология борборунун жетекчиси.
- Айдарбековдун апасы Зифаргүл Мусулманкуловна – Ахунбаев атындагы КММАнын гистология, цитология жана эмбриология кафедрасынын башчысы.
- Айдарбеков жубайы Асел Базаркулова менен 3 баланын ата-энеси. Жубайынын кесиби юрист.
- 1998-жылы Айдарбеков Кыргыз эл аралык университетин эл аралык мамилелер адистиги боюнча аяктаган. 2001-жылы дал ушул окуу жайдан юриспруденция адистиги боюнча магистр даражасын алган. Эки жыл мурда КРСУнун аспирантурасын аяктаган. Юридика илимдеринин кандидаты. Кыргыз, орус жана англис тилдеринде эркин сүйлөйт.
- Эл аралык кылмыш-укук, адамзаттын тынчтыгына жана коопсуздугуна каршы кылмыштар боюнча 10дон ашык илимий макаланын автору.
- Карьералык жолун 1998-жылы Тышкы иштер министрлигинде атташе болуп баштаган. Өзбекстандагы (2005–2008-жж.) жана Түркмөнстандагы (2008–2010-жж.) Кыргызстандын элчилеринин кеңешчиси, ошондой эле Японияда элчи (2016–2018-жж.) болуп иштеген.
- 2018-жылдын 17-октябрынан 2020-жылдын 14-октябрына чейин тышкы иштер министри кызматын аркалаган.
- 2021-жылдан 2025-жылга чейин «Альянс» саясий партиясынан VII чакырылыштагы ЖК депутаты болгон.
- №21 шайлоо округунан Жогорку Кеңештин жаңы чакцрылышынын депутаты болушу мүмкүн, анткени Кубанычбек Конгантиев Борбордук шайлоо комиссиясына ыйгарым укуктарын тапшыруу ниетин билдирген. Ушул округдагы талапкерлердин катарында алган добуштары боюнча кийинки орунда Чынгыз Айдарбеков 6259 добуш менен турат.