АКИpress - Улуттук статистиканын 100 жылдыгын белгилөөгө бюджеттен 7,5 млн сом бөлүнөт. Бул тууралуу Жогорку Кеңештин Бюджет боюнча комитетинин жыйынында белгилүү болду.
Депутат Улан Примов бул чыгым эмне үчүн 2026-жылга карата республикалык бюджетти бекитүүдө алдын ала каралбай калганына кызыкты.
Финансы министринин орун басары Жибек Дүйшеева буга чейин республикалык бюджеттен бул каражатты бөлүү боюнча акыркы чечим кабыл алына элек болгонун айтты.
Добуш берүүнүн жыйынтыгында комитеттин депутаттары 7,5 млн сом бөлүп берүү чечимин жактырышты.