АКИpress - Президент Садыр Жапаров Кара-Суу райондук үй-бүлөлүк медицина борборунун жаңы имаратынын ачылышында 2027-жылы дагы медицина кызматкерлеринин айлыгы жогорулай турганын жарыялады.
Ал дарыгерлерге ыраазычылык билдирди.
«Кыйынчылыкка, эмгек акынын аздыгына карабай, өмүр бою ушул кесипте иштеп келе жатканыңарга терең ыраазычылык билдирем.
Апрелден баштап эмгек акыны көбөйтүп жатабыз. Кийинки жылы дагы кошуп беребиз», - деди президент.
Ал мурда эле айлыкты көтөрсө болмок экендигин кошумчалады.
«Бирок эң чоң «армия» — мугалимдер менен дарыгерлер. Анан бюджетке дароо эле сезилет. Кичине эле көбөйтсөң, миллиарддаган сомдор кетет. Ошондуктан 4-5 жылдан бери жакшы көбөйтө алган жокпуз», - деп билдирди президент.