АКИpress - Президент Садыр Жапаровдун тапшырмасы менен Өзгөчө кырдаалдар министрлиги Тышкы иштер министрлиги менен биргеликте Иранга жалпы салмагы 129 тоннаны түзгөн гуманитардык жардам жөнөтүүдө.
ӨКМдин маалыматы боюнча, жүктүн ичинде 66 тонна азык-түлүк (ун, эт консервалары жана өсүмдүк майы) жана 63 тонна медициналык каражаттар бар.
Жардам жети оор жүк ташуучу унаага жүктөлгөн.