АКИpress - Ирандын чалгындоо министри Исмаил Хатиб Тегеранда Израилдин авиациялык соккусунан каза болду. Бул тууралуу Израилдин коргоо министри Исраэл Кац билдирди, деп жазат «Times of Israel».
Кацтын айтымында, сокку 18-мартка караган түнү жасалган.
Кац кошумчалагандай, ал жана премьер-министр Биньямин Нетаньяху аскер кызматкерлерине уруксат сурабастан Ирандын жогорку даражалуу жетекчилерин өлтүрүүнү тапшырышкан.
Ирандын президенти Масуд Пезешкиан Эсмаил Хатибдин каза болгондугун тастыктады.
Эсмаил Хатиб Ирандын чалгындоо министри кызматына 2021-жылдын августунда киришкен. Ага чейин өлкөнүн мурдагы лидери Али Хаменеинин коопсуздук кызматынын башчысы болгон. 2012-2019-жылдары Соттук коргоо жана чалгындоо борборун жетектеген.