АКИpress - 12-март күнү Ош облустар аралык бириккен клиникалык ооруканасынын төрөт стационарында кесарево жолу менен төрт эм төрөлдү.
Саламаттыкты сактоо министрлиги билдиргендей, Ош облусунун Араван районунун Дөбө-Коргон айыл аймагынын 26 жаштагы тургуну кош бойлуулуктун 32-жумасында эрте төрөт коркунучу менен келип түшкөн. Бул анын биринчи төрөтү. Наристелердин салмагы: кыз - 1830 г, уул - 1815 г, кыз - 1520 г, кыз - 1500 г.
Оорукана директору Атабек Жумалиевдин маалыматына ылайык, бүгүнкү күнгө эненин да, ымыркайлардын да абалы канааттандыраарлык. 23-март күнү үйүнө чыгаруу пландалууда.