АКИpress - Бишкек шаарынын мэри Айбек Жунушалиев шаардык объектилерди кыдыруу учурунда «Орто-Алыш» суу алгычына барып, көлмөлөрдү тазалоо жана суу менен толтуруу иштеринин жүрүшү менен таанышты. Бул тууралуу Бишкек мэриясынын басма сөз кызматы билдирди.
Калаа башчысынын айтымында, Бишкек тургундарынын 40%га жакыны дал ушул суу топтоочу жайдан ичүүчү суу менен камсыздалат. Буга байланыштуу жайында шаардыктарды суу менен үзгүлтүксүз камсыздоо үчүн жүрүп жаткан иштерди күчөтүүнү тапшырды.
Ошондой эле объектте 12-суу топтоочу көлмөнү түзүү боюнча даярдык иштери жүрүп жатат. Бул көлмө борбор калааны ичүүчү суу менен камсыздоодо колдонулган жер алдындагы суу катмарын турукташтырууга мүмкүндүк берет. Бул иштерди ушул жылдын аягына чейин бүтүрүү пландалууда.
Текшерүүнүн жыйынтыгында мэр суу алгычтын жанында жайгашкан объектилердин мыйзамдуулугун текшерүүнү, алардын тирөөч пландарын даярдоону жана 12-көлмөнү түзүү иштерин тездетүүнү тапшырды.
Мэриядан кошумчалагандай, «Орто-Алыш» суу алгычынын аймагы шаардын стратегиялык объектилеринин катарына кирет.