АКИpress - Ош шаарында УКМКнын кызматкерлери системалуу түрдө мыйзамсыз акча талап кылууга шектелген «Кызмат» мамлекеттик мекемесинин кызматкерлерин кармашты. Бул тууралуу Мамлекеттик комитеттин басма сөз кызматы билдирди.
«Кызмат» мекемесинин кызматкерлери кызматтык абалынан кыянаттык менен пайдаланып, көрсөтүлгөн мамлекеттик кызматтар үчүн системалуу түрдө мыйзамсыз акча талап кылып келишкен.
Тактап айтканда, К.У.Б. жана М.А.Э. жеке материалдык пайда табуу максатында чет өлкөлүк жарандардын өлкөдө жүрүүсүн мыйзамсыз легалдаштырышкан.
«22-апрелде шектүүлөр кармалып, убактылуу кармоочу жайга киргизилди. Тергөө уланууда», - деп жазылган маалыматта.