АКИpress - 23-апрелде Чүй облусунун Иссык-Ата районундагы Новопокровка айылында Чоң Чүй каналына түшүп кеткен жарандын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди.
Буга чейин, 6-апрелде каналга 1947-жылы туулган В.А. аттуу жаран түшүп кеткендиги тууралуу маалымат түшкөн.
Издөө иштерин ӨКМдин Иссык-Ата райондук бөлүмүнүн куткаруучулары жүргүзүштү. Каза болгон жарандын сөөгү ички иштер органдарынын кызматкерлерине өткөрүп берилди.