АКИpress - 15-апрелде Бишкек шаарынын Биринчи май райондук соту жеке ишкерди камакка алуу чечимин чыгарды. Бул маалыматты «АКИpress» редакциясына 16-апрелде райондук соттун басма сөз кызматы тастыктады.
Р.И.Р. УКМК кызматкерлерине карата ачылган кылмыш ишинин алкагында кармалды. Ишти Аскер прокуратурасы иликтеп жатат. Ал 13-июнга чейин 21-тергөө абагына киргизилди.
Юстиция министрлигинин маалыматы боюнча, Р.И.Р. дүң соода менен алектенген «С.Э.К.» компаниясынын жетекчиси болуп саналат.