АКИpress - Бишкекте Селекция көчөсү менен Түштүк магистралдын кесилишинде уруксаты жок көчөт сатылып жаткан.
Муниципалдык инспекциянын жетекчиси Мирлан Таалайбеков «АКИpress» агенттигине билдиргендей, мыйзамсыз соодага каршы жүргүзүлгөн рейддин алкагында аталган соода түйүнү аныкталган. Аталган жерде кызматтык ыйгарым укукту кыянаттык менен пайдалануу фактысы аныкталган. Таалайбеков уруксат документтери жок муниципалдык жерди пайдаланууга жол берилбестигин белгиледи.
Таалайбеков жарыяланган видеодо көрүнгөндөй, сатуучу тиешелүү документтер шефтерге экенин айткан. Ошондой эле бул жерди Орозбек аттуу адам көзөмөлдөп турарын билдирген.
Андан кийин Таалайбеков №109 муниципалдык аймактык башкармалыктын (МАБ) башчысынын орун басары менен №107 МАБдын кызматкери болуп сүйлөшкөн. Орун басар протокол түзбөй, көз жумуп коюуну суранган. Ошондой эле Муниципалдык инспекция бул тууралуу билерин жана мурда 3-4 жолу айып салганын айткан.
Андан кийин Таалайбеков Муниципалдык инспекциянын жетекчиси экенин айтып, болгон окуяны мэрге билдириш керек экенин айткан. Орун басар «Бул сиздин милдетиңиз» деп жооп берген.
Ленин районунун акимчилигинен билдиришкендей, окуяны кароонун жыйынтыгында №109 МАБдын башчысынын орун басары Калыбеков Орозбек Калыбекович кызматтан бошотулду.