АКИpress - Бишкекте алдамчылыкка шектүү жаран кармалды. Бул тууралуу 10-апрелде «АКИpress» редакциясына жеке булактар билдиришти.
Милицияга борбор калаанын тургуну арыз менен кайрылган. Анын айтымында, онлайн-брокердик платформа аркылуу соода кылып, бир нече айдын ичинде акчасын көбөйтүп берүүнү убада кылган адамдарга ишенип, 320 миң доллар жана эки унаасын берген. Шектүүлөр башка белгилүү платформаларда соода кылуу тажрыйбасы бар экенине ишендиришкен. Бирок жыйынтыгында аял алданып калган. Келтирилген жалпы чыгым 353 миң долларды түзгөн.
Бул факт КР Кылмыш-жаза кодексинин 209-беренеси (Алдамчылык) боюнча катталып, шектүүн кармалды.
Маалыматка караганда, ал мурда ушул сыяктуу кылмыштар үчүн бир нече жолу соттолгон 1984-жылы туулган А.А. аттуу жаран болуп чыкты. Анын мурунку кылмыштарынын бири банктык махинациялар аркылуу жасалган 13 млн сомдук алдамчылык болгон.
Шектүү 21-тергөө абагына киргизилди. Тергөө жүрүп жатат.