АКИpress - Кыргызстандын аймагында өткөн сутка ичинде 16 өрт кырсыгы катталып, аларды өчүрүүгө 19 бөлүм тартылды. Бул тууралуу Өзгөчө кырдаалдар министрлигинин басма сөз кызматы билдирди.
Өрттөр:
Чүй облусунда — 6;
Бишкек шаары, Ысык-Көл, Ош жана Нарын облустарында — 2ден;
Ош шаары жана Баткен облусунда — 1ден катталган.
Бишкек шаарындагы учурлар:
Жантөшев көчөсүндө гараждын чатыры күйүп, тилсиз жоо 20 чарчы метр аянтты каптаган.
Сыдыков жана Исанов көчөлөрүнүн кесилишинде 2 таштанды контейнерлери күйгөн.
Өрттүн себептери такталууда.