АКИpress - Кыргызстандын футбол боюнча өспүрүмдөр курама командасы (U-17) Өзбекстандагы эл аралык турнирде жеңилүү ызасын тартты.
Борбор Азия футбол ассоциациясынын (CAFA) чемпионаты ушул күндөрү Ташкентте беш курама команданын катышуусунда өтүүдө.
7-апрелде экинчи турдун оюндары болуп өттү. Кыргызстандыктар Өзбекстандын курамасына каршы ойноп, 1:2 эсебинде утулуп калышты. Игорь Кудренконун командасынын жалгыз голун 12-мүнөттө Алымбек Исаев киргизди.
Бул Кыргызстан курама командасы үчүн аталган турнирдеги биринчи жеңилүү болду. Буга чейин кыргызстандыктар Ооганстан курама командасын 2:1 эсебинде жеңген.
3-турдун оюндары 9-апрелде өтөт, кыргызстандыктар Тажикстан курама командасы менен ойнойт.