АКИpress - Акжол Махмудов грек-рим күрөшү боюнча Азия чемпионатында алтын медаль утту.
Турнир ушул күндөрү Бишкекте өтүп жатат.
Кыргызстандык спортчу 77 кг салмак категориясында күч сынашып, 1/8 финалдан баштаган. Ал Япония, Казакстан, Өзбекстан спортчуларын жеңип, финалга чыккан.
7-апрелде финалда кыргызстандык балбан Ирандын өкүлү менен беттешип, жыйынтыгында жеңишти камсыздады.
Бул Махмудовдун Азия чемпионаттарында алган төртүнчү алтын медалы.
Беттештер:
1/8 финал
Акжол Махмудов - Исами Хорикита (Япония) — 7:3
1/4 финал
Акжол Махмудов - Кахраман Киссыметов (Казакстан) — 9:1
Жарым финал
Акжол Махмудов - Дониёрхон Накибов (Өзбекстан) — 9:0
Финал
Акжол Махмудов - Али Забихолла Оску (Иран) — 3:3, Махмудовдун жеңиши