АКИpress - Бишкекте Лев Толстой жана Менделеев көчөлөрүнүн кесилишинде жолду тарылткан тосмо алынып жатат.
Л.Толстой көчөсү төрт тилкеден турат. Бирок ушул жерде участоктун бурчу жайгашкандыктан, батыштан чыгышты карай бара жатканда эки тилке бөлүнүп кетет, тактап айтканда бири Менделеев көчөсүнө оңго кетет. Бирок белги турганына карабастан айдоочулар түз кетип, тосмонун алдында сол тилкеге кирүүгө аракет кылышат, бул өз тилкеси менен түз бараткан унаалар үчүн тоскоолдук жаратат.
Бурчтун артында көп учурда жол тескөөчүлөр туруп, эреже бузгандарды токтотушат.
Апрель айынын башында тосмо алынып баштады.
Мэрия азырынча аткарылып жаткан иштер боюнча комментарий бере элек.