АКИpress - 9-апрелде Бишкектин түндүк тарабында ичүүчү суу убактылуу өчүрүлөт. Бул тууралуу мэриянын басма сөз кызматы кабарлады.
Суу саат 09:00дөн 20:00гө чейин турак жай, мектеп, бала бакча, саламаттыкты сактоо мекемелеринде жана башка социалдык-тиричилик, өнөр жай объекттеринде болбойт.
Суу өчүрүлө турчу аймак: Чүй проспектиси, Фрунзе көчөсү, Манас проспектиси, Жибек Жолу проспектиси, Турусбеков көчөсү, Баялинов көчөсү, Абдрахманов көчөсү.
Өчүрүү «Белинский» суу алгычында жана шаардын суу түтүк тармактарында оңдоо-профилактикалык иштерине байланыштуу.