АКИpress - Юстиция министрлиги өлкө аймагынан тышкары жакка чыгуу тартибин жөнөкөйлөштүрүүчү мыйзам долбоорун коомдук талкууга койду. Бул экинчи ата-эненин макулдугун алуу мүмкүн болбогон же татаал болгон учурларда колдонулат.
Азыркы мыйзам эки ата-эненин тең нотариалдык күбөлөндүрүлгөн макулдугун талап кылат, ал жок болсо соттун чечими керектелет. Иш жүзүндө бул балдарды дарылануу, олимпиадалар, сынактар же окуу үчүн өз убагында чыгуу мүмкүнчүлүгүнөн ажыратат, ал эми абийирсиз ата-энелер макулдук берүү укугун шантаж куралы катары колдонушат.
Мыйзам долбоору эки өзгөрүүнү сунуштайт. Биринчиси – дарылануу, окуу же сынактар үчүн сапарга чыкканда экинчи ата-эненин макулдугунун ордуна, алып баруучу адамдын тиешелүү уюмдардан алынган тастыктоочу документтер болгон учурда баланы алып чыгуу жөнүндөгү нотариалдык милдеттенмеси алмаштырылат. Экинчиси – нотариалдык буйрук институту киргизилет: экинчи ата-эненин 1 жылдан ашык документ менен тастыкталган алименттик карызы бар болсо, анда анын макулдугу жок баланын чет өлкөгө чыгуусуна уруксат берилиши мүмкүн.
Ата-энелердин ортосундагы талаштарды чечүү үчүн сотко кайрылууга милдеттендирген үй-бүлөлүк кодекстин нормасы күчүн жоготту деп табылат. Туруктуу жашоо үчүн өлкөдөн чыгууга уруксат берүү маселеси соттун кароосунда калат.