АКИpress - Министрлер кабинети чет өлкөлүк жарандардын өлкө аймагында жүрүү тартибине өзгөртүүлөрдү киргизди, деп билдирди Кыргызстандын Казакстандагы элчилиги.
2026-жылдын 24-мартындагы №190 токтомго ылайык, 2023-жылы бекитилген жобого өзгөртүүлөр киргизилген. Тактап айтканда, документ этникалык кыргыздарга жана алардын үй-бүлө мүчөлөрүнө (жубайына жана жашы жете элек балдарына) тиешелүү ченем менен толукталды.
Эми уруксат берүүчү документтерди тариздөөсүз Кыргызстанда жүрүү мөөнөтүн өткөрүп жибергендер этникалык кыргыз экенин тастыктаган документтери аркылуу макамын мыйзамдаштыруу үчүн өлкөгө бир жолу кирүүгө укук алышат. Өлкөгө киргенден кийин аларга тийиштүү уруксат берүүчү документтерди тариздөө үчүн 30 күн убакыт берилет.