АКИpress - Кытай бийлиги ички күйүүчү май рыногунда чукул чара көрүлө турганын жарыялады. Бул Жакынкы Чыгыштан чийки зат жана мунай заттарын жеткирүүдөгү тоскоолдуктарга байланыштуу, деп билдирди «ТАСС».
Кытай Эл Республикасынын Улуттук өнүгүү жана реформалар боюнча мамлекеттик комитетинин өкүлдөрү март айынын башынан бери экинчи жолу бензин менен дизелдик отундун чекене баасын жогорулатканын жарыялашты. Өзгөрүүлөр 24-марттан тарта күчүнө кирип, бензиндин тоннасы 1160 юанга, ал эми дизелдик отундун баасы 1115 юанга көтөрүлөт.
Эсептеп көрсөк, баа 10 415 — 10 855 юанга (актуалдуу валюта курсу боюнча болжол менен 1,5-1,57 миң доллар), экинчиси 9460-9800 юанга (1,37-1,42 миң доллар) чейин кымбаттайт.
Кытай рыногундагы күйүүчү майдын баасы мунай заттын дүйнөлүк баасынын динамикасынан түздөн-түз көз каранды. Серепчилердин пикири боюнча, Кытайдын ички рыногундагы күйүүчү майдын кору кеминде 130 күнгө жетет.