АКИpress - Кыргызстандын футбол боюнча өспүрүмдөр курама командасы (U-16) Бишкекте өтүп жаткан эл аралык турнирди жеңиш менен баштады.
Төрт команданын катышуусундагы «Talents Cup» турнири 20-мартта башталган.
Биринчи турда Игорь Кудренконун жетекчилигиндеги Кыргызстан курамасы Тажикстандын командасына каршы ойноп, 3:0 эсебинде жеңишке жетти. Алымбек Исаев эки гол киргизсе, Баяман Таштемиров дагы бир голду жаратты.
Бирок экинчи турда кыргызстандыктар Казакстанга 0:1 эсебинде утулуп калышты.
Турнирдин акыркы оюндары 24-мартта өтөт. Кыргызстан курамасы Өзбекстан менен ойнойт.