АКИpress - Кыргызстандын аймагында өткөн сутка ичинде 30 өрт кырсыгы катталып, аларды өчүрүүгө 35 бөлүм тартылды. Бул тууралуу Өзгөчө кырдаалдар министрлиги билдирди.
Өрттөр:
- Чүй облусунда — 12,
- Ысык-Көл облусунда — 6,
- Ош облусунда — 4,
- Бишкек шаарында — 3,
- Баткен жана Талас облустарында — 2ден,
- Ош шаарында — 1.
Бишкек шаарындагы учурлар:
Патрис Лумумба көчөсүндө жайгашкан кароосуз калган дүкөндүн 50 чарчы метр жыгач полу жана таштандылар күйгөн.
Аламүдүн айылынын Гагарин көчөсүндө 10 сотых аянтта куураган чөп өрттөнгөн.
Кулиев көчөсүндө ачык аянтта 1 гектар куураган чөп күйгөн.
Өрттүн себептери такталууда.