АКИpress - Президенттин иш башкармалыгы ал жана анын карамагындагы мекемелер тарабынан көрсөтүлүүчү мамлекеттик кызматтардын стандарттарын бекитүү жөнүндө буйруктун долбоорун коомдук талкууга чыгарды.
Бул документ 2025-жылдын сентябрында Министрлер кабинетинин карамагынан Президенттин иш башкармалыгынын баш ийүүсүнө өткөн Транспорт каражаттарын жана айдоочулук курамды каттоо боюнча мамлекеттик борбордун кызматтарына да тиешелүү. Борбордун мамлекеттик кызмат көрсөтүүлөр реестрине төрт позиция киргизилген: айдоочулук күбөлүктөрдү шашылыш берүү, автомототранспортко менчик укугун шашылыш каттоо жана кайра каттоо, чет өлкөлүк жарандардын жана жарандыгы жок адамдардын транспорт каражаттарын убактылуу каттоого алуу, ошондой эле айдоочулук күбөлүк алуу үчүн квалификациялык сынактарды кабыл алуу.
Документтин максаты — жеке жана юридикалык жактарга кызмат көрсөтүүнүн сапатын, ачык-айкындуулугун жана бирдейлигин камсыз кылуу.