АКИpress - Катар суюлтулган мунай-газ корпорациясынын объекттерине кайрадан ракеталык сокку жасалгандыгын маалымдады.
18-мартта Иран Рас-Лаффан өнөр жай комплексине сокку урган, анда суюлтулган табигый газды өндүрүүчү ишкана жайгашкан. 19-мартта «Qatar Energy» ракеталардын бир нечеси объектке тийип, чоң өрт чыгып, олуттуу зыян келгенин билдирди.
Окуя болгон жерге өзгөчө кырдаалдар кызматтары жөнөтүлгөн, жабыркагандар жок. Катардын ички иштер министрлиги өрт толугу менен өчүрүлгөнүн жана жабыркагандар болбогонун билдирди. Коопсуздукту калыбына келтирүү жана муздатуу иштери улантылууда.