АКИpress - Грузиялык дзюдочу Михейли Бекаури Кыргызстандын курама командасына кошулду.
17-январда 25 жаштагы спортчу Ош шаарында өткөн өлкө чемпионатында 2-орунду ээлеген. Ал Бишкектин «Олимп» спорт мектебинин атынан чыккан Бекаури финалга чейин жетип, Даут Полтушевге утулуп калган.
Ошондой эле ал 20-22-мартта Тбилисиде (Грузия) өтө турган «Чоң шлем» турнирине Кыргызстандын курама командасы менен барат.
Бекаури 2017-жылы кадеттер арасындагы Европа кубогун эки жолу, ал эми 2019-жылы Европа кубогун (U-21) уткан. Анын сыйлыктарынын арасында кадеттер арасындагы Европа чемпионатынын күмүш медалы (2017) жана жаштар арасындагы Европа чемпионатынын коло медалы (2019) бар.
2020-жылы Бекаури Хорватияда өткөн жаштар арасындагы Европа чемпионатында 5-орунду ээлеген, андан кийин мелдештерге катышкан эмес.