АКИpress - Борбордук шайлоо комиссиясына Курманкул Зулушевдин Жогорку Кеңештин депутаты ыйгарым укуктарын тапшыруу боюнча арызы келип түштү.
Бүгүн, 13-мартта БШК анын арызын карайт.
Зулушев №10 округдан 14 миң 688 добуш менен шайланган. Ал «Ынтымак-Мекенчил» депутаттык тобунун мүчөсү жана Конституциялык мыйзам, мамлекеттик түзүлүш, жергиликтүү өз алдынча башкаруу боюнча комитеттин төрагасы.
Буга чейин депутаттык мандаттарын тапшыргандар:
- Элдар Сулайманов
- Нурланбек Тургунбек уулу
- Кундузбек Сулайманов
- Жанар Акаев - Ош шаарынын мэри болуп дайындалды
- Кубанычбек Конгантиев
Шайлоодо алган добуштардын саны боюнча бош кала турган мандат көп добуш топтогон кийинки талапкер Улукбек Ормоновго берилиши мүмкүн.