АКИpress - Кыргызстандык спортчу Умар Орусбаев Черногорияда өтүп жаткан бокс боюнча жаштар арасындагы Дүйнө кубогунун финалына чыкты.
«Адриатика бермети» турнири 4-мартта Будва шаарында башталган. Анда 19 жашка чейинки спортчулар арасында медалдардын 10 комплекти ойнотулат.
Орусбаев 60 кг салмак категориясында ат салышууда, бул категорияга 16 спортчу катышууда.
Кыргызстандык спортчу 1/8 финалдан баштап, Эстония, Украина, Швециядан келген атаандаштарын жеңип, финалга жолдомо алды.
11-мартта боло турган чечүүчү беттеште Орусбаев Казакстандын өкүлү менен күч сынашат. Бетттештер Бишкек убактысы боюнча саат 21:00дө башталат.
Жыйынтык:
60 кг чейин
1/8 финал
Артем Котлярский (Эстония) - Умар Орусбаев — 2:3
1/4 финал
Умар Орусбаев - Александр Пасиченко (Украина) — 5:0
Жарым финал
Исак Абдулвахаб (Швеция) - Умар Орусбаев — 0:5
Финал, 11-март
Данияр Акбиссенов (Казакстан) - Умар Орусбаев