АКИpress - Чыңгыз Молдокеев Жаратылыш ресурстары, экология жана техникалык көзөмөл министрлигине караштуу «Кыргызгеология» мамлекеттик ишканасынын директору болуп дайындалды.
Буга чейин «Кыргызгеологияны» Акыл Токтобаев башкарган. Ал 16-февралда жаратылыш ресурстары министри болду.
Молдокеев 2022-жылдын сентябрынан бери Жаратылыш министрлигине караштуу «Борбордук лаборатория» мамлекеттик ишканасынын директорунун орун басары болуп эмгектенген.