АКИpress - Министрлер кабинети Азия өнүктүрүү банкы менен «Жашыл инвестицияларды илгерилетүү жана туруктуу экономикалык өсүш (1-подпрограмма)» программасынын алкагында сүйлөшүүлөрдү жүргүзүү үчүн расмий делегациянын курамын бекитти.
Тиешелүү №683-р тескемеге 2025-жылдын 8-августунда Министрлер кабинетинин төрагасы Адылбек Касымалиев кол койгон. Делегацияны финансы министринин орун басары Эрнст Калдыбаев жетектейт. Курамына курулуш, жаратылыш ресурстары, экономика, энергетика министрлеринин биринчи орун басарлары, ошондой эле Улуттук банктын, бажы кызматынын, гидрометеорологиялык кызматтын жана башка мамлекеттик түзүмдөрдүн өкүлдөрү кирди.