Кыргызстандын күрөш федерациясынын курама командалар жетекчиси У.Субанов кызматтан алынды
На русском
Урмат Субанов
АКИpress - Кыргызстандын күрөш федерациясынын курама командалар жетекчиси Урмат Субанов ээлеген кызматынан четтетилди. Бул тууралуу федерация социалдык тармак аркылуу билдирди.
Мындай чечим кесиптик милдеттерин талаптагыдай аткарбагандыгына жана уюмдун ички стандарттарын бузгандыгына байланыштуу кабыл алынган.
«Бул чечим тартипти чыңдоо, иштин натыйжалуулугун жогорулатуу жана федерациянын башкаруунун эл аралык нормаларына ылайык өнүгүшү үчүн кабыл алынды», - деп айтылат расмий билдирүүдө.
Урмат Субанов бул кызматка 2024-жылдын 29-сентябрында дайындалган.