АКИpress - 1941–1945-жылдардагы Улуу Ата Мекендик согуштун ардагери Пухарев Василий Дмитриевич 21-апрелде Бишкек шаарында 103 жашында дүйнө салды. Бул тууралуу мэриянын басма сөз кызматы билдирди.
Ал 1924-жылы 1-январда Кемерово облусунун Кузедеев районундагы Силен айылында туулган.
1942-жылы аскерге чакырылып, аткычтар полкунун курсанты катары окуган, андан кийин пулемёт дивизиясында кызмат өтөгөн. 1943-жылы зениттик-артиллериялык полкко которулган.
Манчжуриядагы салгылашууларга катышып, Япония менен болгон согуш учурунда унаа башкарган.
Армиядан кийин 1950-жылга чейин токой чарбасында токойчу болуп иштеген, ал эми 1950-жылдан баштап геология тармагында бургулоо боюнча уста болуп эмгектенген.
1960-жылы Алтай крайына, Усть-Каменогорск облусуна, Титаномагний заводуна которулуп, ал жерде электр монтер болуп иштеген. 1984-жылдан 1990-жылга чейин Ленин атындагы заводдо эмгектенген.
Төмөнкү сыйлыктар менен сыйланган:
— «1941–1945-жылдардагы Улуу Ата Мекендик согуштагы Жеңиштин 60 жылдыгы» юбилейлик медалы;
— «1941–1945-жылдардагы Улуу Ата Мекендик согуштагы Жеңиштин 65 жылдыгы» медалы;
— «1941–1945-жылдардагы Улуу Ата Мекендик согуштагы Жеңиштин 70 жылдыгы» медалы;
— «1941–1945-жылдардагы Улуу Ата Мекендик согуштагы Жеңиштин 75 жылдыгы» медалы;
— Россия Федерациясынын «Улуу Ата Мекендик согуштагы Жеңиштин 75 жылдыгы» юбилейлик медалы.