АКИpress - Бишкек шаарынын Лумумба көчөсүндө жана «Кудайберген» базарынын аймагында мыйзамсыз объекттерди жана иретсиз жайгаштырылган сырткы жарнамаларды алуу боюнча рейддик иш-чаралар өтүп жатат. Бул тууралуу Жерди пайдаланууну көзөмөлдөө боюнча башкармалык билдирди.
Текшерүүнүн алкагында Лумумба жана Шаттык көчөлөрүнүн кесилишиндеги 6 күркө жана 17 жарнама конструкциясы демонтаждалды.
Мындан тышкары, Шанхай кызматташтык уюмунун саммитине даярдык көрүү алкагында Киев көчөсүндөгү мыйзамсыз орнотулган жарнама такталарын алуу иштери да жүрүп жатат.
⛶