АКИpress - Си Цзиньпин АКШнын басылмаларында жарыяланган Кытай Иранга курал-жаракты жашыруун жеткирди деген маалыматты четке какты. Бул тууралуу АКШнын президенти Дональд Трамп Кытай Эл Республикасынын лидеринен алган катка шилтеме берүү менен билдирди.
«Fox Business» каналына берген маегинде Трамп, Кытай Тегеранга курал-жарак жеткирген болушу мүмкүн деген маалыматтар пайда болгондон кийин, ал Си Цзиньпинге түз кайрылганын айтты. Жооп катта Кытай лидери мындай божомолдорду четке каккан.
«Мен ага жаздым жана мындай кылбоону сурандым. Ал болсо эч нерсе жасабаганын айтып, жооп берди», - деди Дональд Трамп.
«CNN», АКШ чалгындоо кызматы Пекиндин Тегеранга абадан коргонуу системаларын жөнөтүүгө даярдыгы жөнүндө эскерткенин билдирген. Вашингтондогу КЭРдин элчилиги буга чейин мындай божомолдорду четке каккан. Дональд Трамп, эгер маалыматтар тастыкталса, Кытайга чоң көйгөй жараларын айтып, коркуткан.