АКИpress - 26-марттан 13-апрелине чейин 20636 аскер бөлүгүнүн базасында артиллериялык ок атууну түзөтүүчүлөрүн даярдоо боюнча жыйын өттү.
Коргоо министрлиги билдиргендей, артиллериялык ок атууну түзөтүүчүлөрү буталарды натыйжалуу аныктоону жана айырмалоону, алардын так координаттарын белгилөөнү жана ок атуу үчүн маалымат берүүнү үйрөнүштү. Аны менен бирге жарылууларды байкоо жана так түзөтүүлөрдү киргизүү жөндөмдүүлүгүн өздөштүрүштү.
Ошондой эле байланыш каражаттары менен иштөө, багыт алуу жана артиллериялык бөлүкчөлөр менен өз ара аракеттенүү жөндөмдүүлүгү жакшыртылды.