АКИpress - Чүй облусунун Аламүдүн районундагы Чуңкурчак жайлоосундагы тоонун капталында кургак чөп, арча күйүп жатканын Өзгөчө кырдаалдар министрлигинин басма сөз кызматы билдирди.
Маалыматка ылайык, саат 12:11де өрттү өчүрүү үчүн Октябрь районунун №5 өрт-куткаруу бөлүгүнүн 1 өрт өчүрүүчү тобу, Аламүдүн районунун №1 өрт-куткаруу бөлүгүнүн 5 куткаруучусу бар 1 авариялык-куткаруучу унаасы жана Чүй облусу боюнча ӨКМ башкармалыгынын жетекчиси баштаган ыкчам топ тартылган.
Өрттүн чыгуу себептери тууралуу маалымат кийинчерээк берилет, деп кошумчалашты ӨКМден.