АКИpress - 8-9-апрелде 1 млн 800 миң даана май-канат балыгынын чабагы көлдөргө коё берилди. Бул тууралуу Суу ресурстары, айыл чарба жана кайра иштетүү өнөр жай министрлиги билдирди.
Иш-чара «Соң-Көл балык чарбасы» мамлекеттик ишканасы тарабынан 2025–2026-жылдарга балык ресурстарын жасалма жол менен көбөйтүү боюнча планга ылайык жүргүзүлдү.
Тактап айтканда, чабак төмөнкү көлмөлөргө чыгарылды:
- Соң-Көл көлүнө — 800 миң;
- Чоң-Ара-Көл көлүнө — 500 миң;
- Кичи-Ара-Көл көлүнө — 500 миң.
Бул иш-чарага Балык өнөр жайы комплекси департаментинин штаттан тышкаркы кызматкерлери да катышты.