АКИpress - Дайынсыз жоголуп, изделип жаткан Санжар Нурлановдун сөөгү табылды.
Бишкек шаарынын Свердлов районунун ички иштер бөлүмүнүн басма сөз кызматы билдиргендей, өспүрүмдүн сөөгү текшерилип, алдын ала кароодо денесинде көрүнүктүү жаракаттар табылган эмес. Анын денеси көлмөдө табылган.
Бул факт каттоого алынып, өлүмдүн себебин аныктоо үчүн соттук-медициналык экспертиза дайындалды.
Өспүрүм 4-апрелде жоголгон. Ал кечки саат алтылар чамасында Шабдан баатыр көчөсүндөгү үйүнөн чыгып кеткен бойдон кайтып келген эмес. 6-апрелде анын апасы милицияга арыз менен кайрылган.