АКИpress - 9-14-апрелдерде Кыргызстандын тоолуу аймактарында кар көчкү түшүү коркунучу бар экендиги эскертилди.
- Бишкек—Ош унаа жолунун 120-140-чакырымы — Төө-Ашуу;
- Суусамыр—Талас—Тараз унаа жолунун 1-14-чакырымы — Өтмөк;
- Бишкек—Нарын—Торугарт унуу жолунун 292-305-чакырымдарында — Долон;
- Барскоон—Ак-Шыйрак унаа жолунун 52-68 чакырым аралыктарында — Сөөк ашуусунда кар көчкү түшүп, бороон-чапкын болушу мүмкүн.
Транспорт жана коммуникациялар министрлиги кырсыктардын алдын алуу жана жол кыймылынын үзгүлтүксүздүгүн камсыз кылуу максатында жарандарды жана айдоочуларды коопсуздук чараларын сактоого чакырат.
Министрлик жол тейлөө ишканалары тарабынан тийиштүү даярдыктар көрүлүп, атайын техникалар тартылганын кошумчалады. Ошондой эле, жолдорго себилүүчү кум-туз аралашмаларынын запасы жетиштүү көлөмдө камдалган.