АКИpress - Мамлекеттик бюджеттин эсебинен билим алган медициналык окуу жайлардын бүтүрүүчүлөрү Саламаттыкты сактоо министрлигинин жолдомосу менен кеминде 2 жыл аймактарда иштөөгө милдеттүү, эгер баш тартса, мамлекетке окуу наркын төлөп берүүгө тийиш. Бул тууралуу 9-апрелде Саламаттыкты сактоо министрлигинин басма сөз кызматы билдирди.
Эрежелерге ылайык, бөлүштүрүү боюнча иштөөдөн баш тарткан бүтүрүүчү билим берүү грантынын суммасын 6 ай ичинде төлөп берүүгө милдеткер.
Маалыматка ылайык, 2025-жылдын 2-июлундагы комиссиялык бөлүштүрүү протоколунун негизинде Сейил Абылгазиева Талас облустук бириктирилген ооруканасына иштөөгө жиберилген.
Бирок, аталган бүтүрүүчү бөлүштүрүлгөн жерге барбай, милдеттүү түрдө иштөөдөн баш тартып, муну менен катар окуу акысын төлөп берүүдөн баш тарткан.
Саламаттыкты сактоо министрлиги мамлекеттик бюджеттин эсебинен билим алган бүтүрүүчүлөр үчүн белгиленген шарттарды сактоонун зарылдыгын эске салды.