АКИpress - Бишкекте киберкылмыштуулуктун деңгээли өсүүдө, өлкөдөгү кылмыштардын олуттуу бөлүгү борбор калаада жасалууда, деп билдирди 9-апрелде тегерек столдо Бишкек шаарынын прокурору Канат Насипов.
Анын айтымында, республика боюнча бардык кылмыштардын 60%на жакыны Бишкекте катталат, ал эми киберкылмыштардын саны жыл сайын көбөйүүдө.
«Мындай кылмыштарды ачуу татаалдашууда, себеби кылмышкерлер интернетти, социалдык тармактарды жана мобилдик байланышты колдонушат, ошондой эле трансулуттук деңгээлде аракеттенишет. Кээ бир учурларда кылмыштар ачылбай калып, келтирилген зыян өндүрүлбөй калууда.
Ал укук коргоо органдарынын, банктардын жана байланыш операторлорунун өз ара аракеттенүүсүн күчөтүүнү, калк арасында, өзгөчө мектеп окуучулары жана студенттер арасында алдын алуу иштерин жүргүзүүнү, ошондой эле тергөө органдарынын кызматкерлеринин квалификациясын жогорулатууну сунуштады.
Ошондой эле Бишкек прокурору бюрократияны жоюу үчүн мамлекеттик органдар менен финансылык мекемелердин ортосунда онлайн режимде эсептерди бөгөттөө, операцияларды токтото туруу жана маалымат алмашуу процедураларын тездетүү зарылчылыгын кошумчалады.
«Кээ бир учурларда банк карталарын же сим-карталарды берген адамдар гана кылмыш жоопкерчилигине тартылат, ал эми уюштуруучулар жана ортомчулар укуктук баалоосуз калууда. Ушуга байланыштуу мындай кылмыштарга ыкчам чара көрүү үчүн мамлекеттик органдар менен финансылык институттардын ортосундагы координацияны күчөтүүнү сунуштайбыз», - деди Насипов.