АКИpress - Депутат Болот Сагынаев «Ата-Бейит» мемориалдык комплексинин кызматкерлеринин эмгек акысын жогорулатууну сунуштады. Ал бүгүн, 9-апрелде Жогорку Кеңештин отурумунда аталган жайда сугат масеслеси да бар экенин кошумчалады.
«Мамлекетибиздин эркиндиги үчүн жанын берген батыр ата-бабаларыбызга, бир туугандарыбызга Куран багыштап эскерип келип, андагы бир катар көйгөйдү көтөрүүнү туура көрдүм. Бул жер биздин тарыхыбызда өзгөчө орун алган тарыхый комплекс болуп эсептелет.
Биринчи эле ала турган болсок, ошол жактагы көчөттөрдү сугаруу маселеси каралган эмес. Башкача айтканда суу жок. Экинчиден ошол жакта иштеген кызматкерлердин айлык маянасы бүгүнкү күндө өтө эле төмөн. Башкача айтканда шаардан келип иштеп кеткенге дагы ошол айлык маянасы жетпейт. Кызматкерлердин иштөө бөлмөлөрү, кеңселери каралган эмес», - деген депутат тиешелүү ведомство, министрликтерге көйгөйдү чечүү боюнча тапшырмаларды берүүнү өтүндү.