АКИpress - Кыргызстандык спортчу Раззак Бейшекеев Бишкекте өткөн грек-рим күрөшү боюнча Азия чемпионатында алтын медаль утту.
Ал 67 кг салмак категориясында ат салышкан.
Алгач кыргызстандык спортчу кореялык балбанды, андан соң жарым финалда ирандык спортчуну эки мүнөттөн аз убакытта жеңген. Финалдык беттеште Бейшекеев жапониялык балбан менен килемге чыгып, жеңишке жетти.
Ал карьерасында биринчи жолу Азия чемпиону болду.
Бул Кыргызстандын курама командасы үчүн турнирдеги төртүнчү алтын медалы болду. Буга чейин Автандил Таалайбек уулу, Акжол Махмудов жана Асан Жанышов чемпион аталышты.
Беттештер:
67 кг чейин
1/4 финал
Раззак Бейшекеев - Ханжае Чунг (Корея) — 5:1
Жарым финал
Раззак Бейшекеев - Ахмадреза Мохсен Нежад (Иран) — 9:0
Финал
Раззак Бейшекеев - Кенцуке Шимицу (Япония) — 8:2