АКИpress - Депутат Махабат Мавлянова Тоголок Молдонун күмбөзү урап жатканын маалымдады. Ал бул тууралуу бүгүн, 8-апрелде Жогорку Кеңештин отурумунда билдирди.
«Чатылары бузулуп, аны жергиликтүү эл өзүнүн каражатынан оңдоюн десе деле уруксат берилбейт экен. Ал Ак-Талаа районунун гана инсаны эмес, кыргыз элинин улуу жазуучусу. Күмбөздү калыбына келтирүү боюнча республикалык каражаттан акча бөлүүнү карап берсек», - деди ал.