АКИpress - Ички иштер министрлиги «Кыргызнефтегаз» ишканасындагы коррупциялык схеманы иликтөөнүн алкагында мурдагы депутат Шайырбек Ташиевдин кармалышы боюнча толук маалымат берди.
Тергөө ортомчу компаниялар аркылуу мунай мамлекеттик «Кыргыз Петролеум Компани» заводуна кайра сатылгандыгын, бул мамлекеттин кирешесин кыскарткандыгын аныктаган.
Мамлекетке келтирилген алдын ала чыгым 4,1 млрд сомдон ашып, ага жоголгон киреше жана төлөнбөгөн салыктар да кирет.
«Мамлекетке келтирилген зыян толугу менен Шайырбек Ташиев тарабынан өндүрүлүүгө тийиш», - деп ИИМден кошумчалашты.
Иликтөө иштери уланууда.