АКИpress - Түп районунда пансионаттын мыйзамсыз менчикке өтүп кеткен объектилери мамлекетке кайтарылды. Бул тууралуу Башкы прокуратура билдирди.
Текшерүүлөрдүн жүрүшүндө Түп мамлекеттик атайын чарбасына караштуу пансионаттын ашкана комплекси жана 3 гектар жер тилкеси 1998-жылы мыйзам талаптарын бузуу менен жеке жактарга берилип кеткендиги аныкталган.
«Жалпы баасы 70,3 млн сомду түзгөн бул объектилер мамлекеттин менчигине кайтарылды», - деп жазылган маалыматта.